Основецот Или Морина: И средношколци и студенти учат математика од мене

Основецот од Скопје, Или Морина вели дека се чувствува подготвен да „скокне“ директно до факултет. Толку знае математика, што од него освен основци, бараат да учат и средношколци, но и студенти. Своите „ученици“ ги подучува бесплатно, на онлајн средби или со физичко присуство, но решени задачи споделува и на Јутјуб за да помогне на повеќе луѓе. Сподели и дека освен од приватното училиште каде учи бесплатно, не добил поддршка за неговиот развој од ниедно друго место. Се надева дека програмите во нашиот образовен систем би можеле да се адаптираат за да одговараат на талентираните ученици.