Во изјавата издадена вчера - еден ден пред официјално да започне кампањата за бугарските парламентарни избори на почетокот на април – сенаторите рекоа дека би сакале да видат посилни односи со источноевропската нација, вклучително и за безбедносни и енергетски прашања.
Сепак, „постојаната корупција, намалувањето на слободата на медиумите, политизацијата на судството и другите закани за владеењето на правото претставуваат сериозни предизвици за билатералните односи меѓу САД и Бугарија“, оценуваат во изјавата претседателот на Комитетот за надворешни работи на Сенатот, Боб Менендез, демократ од Њу Џерси и членот на овој комитет Џим Риш, републиканец од Ајдахо.
Видете и ова: Брнз: прашањата со Бугарија да останат надвор од преговорите со ЕУ„Како што се приближуваат парламентарните избори во април, императив е владата на Бугарија да ги заштити овие вредности“, наведуваат тие.
Бугарија беше потресена од демонстрации минатото лето, додека илјадници граѓани излегоа на улиците во знак на протест против растечката перцепција за корупција под времето на премиерот Бојко Борисов, кој ја води земјата во поголемиот дел од изминатата деценија.
Бугарија, членка на Европската унија и НАТО, постигна најнизок резултат во Унијата и во Индексот за перцепција на корупцијата во 2019 на Транспаренси Интернешнл и во Светскиот индекс на слобода на печатот на Репортери без граници.
Делијан Пеевски, медиумски магнат и пратеник близок до Борисов, според „Репортери без граници“, учествува со околу 80 проценти во печатените медиуми во Бугарија, а има и приватни телевизиски мрежи и веб-страници што му даваат огромно влијание, особено во изборната сезона.
Захариева: ЕУ не е Југославија, а не можат ни САД да не притиснат
„Овие рангирања ја истакнуваат широчината на предизвиците со кои се соочува Бугарија. Бугарската влада и судството мора да работат на зачувување на владеењето на правото за сите, не само за некои, а медиумите мора да имаат слобода да ја известуваат вистината без да се соочуваат со малтретирање, насилство или казна“, велат американските сенатори.
Антивладините протести од минатата година делумно беа водени од тврдењата дека владејачката партија ГЕРБ на Борисов е контролирана од зад сцената од Пеевски и неговото Движење за права и слобода.
Бугарскиот претседател Румен Радев присуствува на сесија на Меѓународниот економски форум во Санкт Петербург, 7 јуни 2019 година
Претседателот Румен Радев, кој ги поддржуваше демонстрантите, обвини дека „мафијата“ ја контролира владата на Борисов, како и обвинителството во земјата.
Две богати бугарски семејства минатата година ја ангажираа лоби фирмата „Александрија груп Интернешнл“ со седиште во Вашингтон, откако владата на Борисов отвори кривични случаи против нив. Семејствата тврдат дека владата се обидува нелегално да ги заплени нивните средства.
Западен Балкан меѓу приоритетите на Бајден и Меркел
Во извештајот, Александрија Груп го опиша Пеевски како еден од „клучните архитекти на демократскиот пад и пренасочувањето на Бугарија во криминална држава“.
Пеевски во декември ја ангажираше Групацијата БГР, трета по големина лобистичка компанија во Вашингтон според приходите, да му помогне во „проблемите со САД“. Ниту претставник на Пеевски, ниту БГР не одговорија на барањата за коментар.
Видете и ова: Каракачанов ја брани одлуката Бугарија да не учествува на вежба на НАТОПартијата на Борисов, според последните податоци од анкетите, се очекува да дојде на првото место на изборите во април.
Неуспехот на Борисов во борбата против корупцијата и поддржувањето на владеењето на правото не се единствените прашања што ги рангираа САД.
Бугарија продолжи да напредува со својот дел од гасоводот што ќе пренесува природен гас од Русија до Србија преку Турција и Бугарија.
Гасоводот и овозможува на Русија да пренасочи извесен извоз на природен гас наменет за Балканот и Централна Европа околу Украина.
Вашингтон се спротивставува на проектот и се закани дека ќе го санкционира со образложение дека го зајакнува влијанието на Кремљ врз европскиот енергетски сектор и го лишува Киев од потребните транзитни такси.