НАТО формира борбена група во централна Романија

Француски и романски војници одат до оклопно возило на полигоните за обука во Цинку додека возилото исфрла димни гранати на 20 септември.

Локацијата Цинку долго време се користи за обука на трупите на НАТО, но обновата што е во тек ќе овозможи околу 1.000 војници на НАТО и тешко вооружување да бидат сместени во објектот.

 

Работници фрлаат бетон на локацијата што ќе се користи како простор за одржување воени возила во Цинку во централна Романија.

Сликите во оваа галерија се направени на 20 септември и ја покажуваат работата на НАТО за масовно проширување на областа за воена обука во близина на романското село Цинку, додека руската инвазија врз Украина продолжува.
 

Областа на локацијата Цинку каде ќе бидат сместени војниците на НАТО.

Во мај оваа година, додека НАТО го засилува своето присуство низ Источна Европа, полковникот Винсент Минге, командант на борбената група на НАТО во Романија, објави дека воената алијанса ќе го премести својот „центар на гравитација“ од пристанишниот град Констанца на Црното Море, до Цинку, во близина на точниот центар на земјата.
 

Француски војници учествуваат во вежба на НАТО во Синку на 20 септември.

НАТО соопшти дека моментално има „над 40.000 војници, заедно со значителни воздушни и поморски средства“ под директна команда на НАТО на источниот раб на Алијансата.

Место за сместување на војниците на НАТО во објектот Цинку

НАТО соопшти дека формира четири нови „мултинационални борбени групи“ во Бугарија, Унгарија, Романија и Словачка.

Огромна бетонска површина во изградба на теренот за обука во Цинку.

Според Минге, базата ќе овозможи „создавање постојан, посилен баталјон, со повеќе тешко оружје, за да се спречи каква било агресија или каква било дестабилизација во Романија“. Тој додаде: „Мислам дека ќе бидеме тука за период од четири до пет години“.

Холандски снајперист учествува во вежба за обука во објектот за обука Цинку на 20 септември.

Минге рече дека редовните вежби на локацијата се „дел од пораката што ја испраќаме до руската армија“.

Во тек е ископување на локацијата Цинку

Некои локални жители протестираа поради големите градби во близина на нивното село. Во средината на септември, на мал мост во близина на Цинку беа поставени бетонски блокови во обид да се запрат тешките возила што ги користи НАТО. Според романските медиуми, жителите се загрижени дека мостот е во опасност да се урне под тежината на возила многу потешки од ограничувањето на мостот од 12 тони.

Холандски војници пукаат со маневарска муниција за време на вежбата на НАТО во Цинку на 20 септември.

Преместувањето на борбената група на НАТО во Романија беше предвидено да се изврши во јуни. Не е јасно што го предизвикало одложувањето на овој потег.