Владата синоќа на затворена седница одлучила да ја испрати 28-годишната ТВ-презентерка Бесмира Ејупи за генерален конзул во Њујорк. Од Владата не ја потврдија оваа информација која излезе од анонимни извори, но не ја ни демантираше, иако ја објавија речиси сите медиуми. Ејупи наводно е назначена на предлог на ДУИ.
Министерството за надворешни работи дури денеска попладне реагира на „бројните објавени нецелосни информации поврзани со испраќањето на дипломати во Дипломатско – конзуларните претставништва“.
„Со оглед дека се работи за информации од доверлив карактер, дозволете да информираме дека Република Северна Македонија во моментов има Генерален конзул во Њујорк, Јордан Панев, кој е дипломат од кариера, и кој е избран согласно сите законски прописи. Во моментов тој е на половина од својот мандат и засега не се предвидува негова предвремена замена“, велат во МНР.
Мандатот на Панев истекува наредната година.
На затворена седница на влада утврден предлогот од МНР за македонски конзул во Њујорк, Тв презентерката Бесмира Ејупи.И тоа не е се, таа е член на Надзорен одбор на Македонски Железници и сопственик на компанија.Уримее 🥳 pic.twitter.com/G9Ga8G1ScM
— Бемка (@B1PcG6cyiRrcoTr) February 16, 2022
— Roma (@Roma92377181) February 16, 2022
Ако САД го одобри предлогот, Ејупи без проблем ќе замине во Њујорк, бидејќи именувањето конзули е во надлежност на МНР и на Владата, односно за конзулските позиции не се прашува претседателот на државата. Таа работела како презентерка во повеќе телевизии, меѓу кои Нова, Алсат-М и ТВ21. Ејупи магистрирала казнено право на Универзитетот ФОН, а дипломирала меѓународна комуникација на Штуловиот универзитет.
Нејзиниот избор предизвика жестоки реакции во јавноста. Ако во изборот нема ништо спорно, зошто одлуката се носи на затворена седница?
Главен проблем е „тенката“ биографија и неисполнување на законските услови.
Според Законот за надворешни работи, кога кандидатот за генерален конзул не доаѓа од редот на професионални дипломати треба „да биде афирмирана личност во областа на надворешната политика и меѓународните односи“ и прашуваат која е нејзината афирмација. Други, прашуваат како девојка која не навршила ни 30 години може да ја претставува Македонија и се загрижени за угледот на дипломатијата.
Трети, пак, прашуваат кој углед и потсетуваат на досегашните „бисери“ на македонските дипломати – љубовна афера на амбасадорот во Австралија Перо Стојановски, возење во пијана состојба на амбасадорот во Швајцарија Алајдин Демири, тепачка меѓу амбасадорката Добринка Тасковска и вработен во амбасадата во Хаг, а амбасадорот во Чешка Игор Илиевски преку прес-конференција водеше старателска битка со сопругата околу двоиполмесечниот син.
А што сакасте ви за у Њујорк некога ветерана да пратив?Дај оладете малко и оставете гу младу да си ужива.Поддршка за Бесмира Ејупи!
— Аууу Џониии (@AuuuDzoniii) February 16, 2022
Дел од граѓаните во критиките за Ејупи, а молкот за другите „промашувања“, гледаат тенденциозност.
Зошто СДСМ-ВМРО и нивната интелектуала е толку шовинистички настроена кон Албанките?Пример: вагинални димови (за Теута, Ермира) на Фрчко.Скандалозни снимки (за Ермира) од Заев.Харанга кон девојчето од ДУИ (и молкот за кандидатот на СДСМ Муслиу).Читајте Ивор и Тасевски.
— 𐔀𐔙𐔛𐔍𐔒 𐔣𐔈𐔏𐔖𐔑𐔍 (@ArsZek) February 16, 2022
Тв презентерката се вика Бесмира Ејупи.Уште Фрчко да можеа да го направат еден амбасадор таму, друштванцето ќе беше комплетно. pic.twitter.com/21yPwCT0QB
— Нервозната (@toopersonal_1) February 16, 2022
Порано младите кои сакаа да го прошетаат светот се запишуваа на играорна, а сега одат во дипломатија, се шегуваат некои.
Луѓе на нејзина возраст беа избирани и на поважни функции. Драгана Кипријановски и поранешниот шеф на дипломатијата Никола Димитров беа избрани за заменици министри во МНР на 28-години. Диме Спасов на тие години стана министер, а Бранко Црвенковски премиер. На Љубчо Георгиевски на 25-години му измислија функција потпретседател на претседателот. Филип Петровски на 28 години исто така беше избран за генерален конзул во Њујорк. Критичарите, пак, одговараат дека затоа сме на тоа дереџе.
Зошто конзул? Нема ли слободно амбасадорско место?
— Мекица (@Plavaaa) February 16, 2022
Сите врескаат за Ејупи како кадар на ДУИ. Со право.Муслиу оди конзул како кадар на СДСМ. Молк.Фрчкоски оди како кадар на 20-те фамилии. Покриено од претходните.Гранап-дипломатија, рефус-држава. pic.twitter.com/T3om8ZakGH
— Ивон Величковски (@IVelichkovski) February 16, 2022
Што сте рипнале сите на Бесмира Ејупи, да не е полоп избор од некој друг? Од кого чувте дека нешто сработил?НИКОЈ, СИТЕ СЕ ИСТИ! pic.twitter.com/PLKy1dQGmX
— ✋ 【O】【l】【o】【š】✋ (@OloshMakedonski) February 16, 2022
Ако почнеме со укинување на институции поради бламирање, тешко дека ќе остане институција, одговараат други.
Некои, пак, шеговито прашуваат дали за амбасадори и конзули треба да праќаме грди луѓе и го цитираат Достоевски дека убавината ќе го спаси светот. Патувај Бесмира, и не се наведнувај преку прозорецот, велат трети.
Бесмира, да си поминеш најубаво на свет :))))))аууууу офф нет каков факинг генијален наслов :))))))) pic.twitter.com/wk8tiZXYF6
— krojanbojan (@krojanbojan) February 16, 2022
Бесмира Ејупи > Дане Талески
— Џорџ Вашингтон (@GeorgeFromMkd) February 16, 2022
Баш е слатка цурата...Шо...сакате некој ружен метузалем да пратиме...?! pic.twitter.com/GQkomkDNtO
— Мир (@prkosot) February 16, 2022
Ситуацијата кога на високи функции се назначуваат луѓе со речиси никакво искуство не е ексклузивна за дипломатијата. Во анализата „Кој тоа таму управува?“ на Институтот за демократија – Социетас цивилис (ИДСЦС) направена минатата година се наведува дека работните позиции, особено оние на повисоките раководни функции, се делат преку ноќ, зад затворени врати. ИДСЦС анализирал 116 именувања направени по парламентарните избори во 2020 година, а анализата покажува дека 55 отсто од кандидатите имаат минимум искуство во раководење. За да се заобиколат процедурите за именување, во половина од случаите биле назначувани в.д. директори.