Нашата дијаспора може уште утре да се врати во земјава, рече премиерот Зоран Заев, образложувајќи зошто се попишуваат и иселениците.
„Нашата дијаспора може буквално утре да се врати дома, односно кога сакаат. Тоа се наши граѓани, наши државјани, имаат наши македонски пасоши и лични карти и секако живеат една година или повеќе надвор од државата, но тоа не значи дека гарантирано трајно дека ќе останат во државата, може теоретски утре да се вратат“, посочи Заев.
Теоретски можеле и воопшто да не заминат, коментираат потсмешливо граѓаните на социјалните мрежи. Изјавата на Заев предизвика бројни коментира на социјалните мрежи. За голем дел од граѓаните, попишувањето на иселениците служи за „штелување на процентите на етничките заедници“, Државниот завод за статистика дека таа бројка ќе служи за креирање на политиките кон иселениците, а најголем дел, користејќи го речникот на Заев, се шегуваат дека дијаспората ќе се врати „мало сутра“.
Мало сутра доаѓа денес. А да, датумот се уште го нема. pic.twitter.com/3f1EhHaECF
— на Макрон малиот (@onlineKjose) July 14, 2020
Други коментираат дека дијаспората денеска нешто е зафатена, ама кај и да е, ќе се врати, утре, другиден.
Иселениците чекаат во „низок старт“, ќе дојдат веднаш по ветуваните странски инвестиции, коментираат трети.
По Гугл, Фејсбук... ене ја и дијаспората на граница да влезе во северна https://t.co/jHYwrzJyM4
— Кичевчанецот🇲🇰 (@zoreski) September 22, 2021
Некои потсетуваат на изјавата на претседателот Стево Пендаровски од пред две години дека да не бил претседател и тој ќе се иселел од Македонија. Зарем и такви луѓе да останат непопишани, иронично забележуваат. Други потсетуваат дека во дијаспората има висококвалификувани иселеници, како поранешниот премиер Никола Груевски, кој избега во Унгарија за да не оди во затвор за спорната набавка на владиниот Мерцедес.
Се попиша Никола Груевски? #попис2021
— V!DanaDsgn (@VidanaDeSign) March 20, 2021
Трети, пак, иронично забележуваат дека ние треба да бидеме спремни за враќањето на дијаспората. Чевлите од протестот пред влада уште им ги чуваме.
уште жалам за ганц новите ер макс што си ги оставив пред влада кога протестиравме да ги вратиме иселените
— Фичомен (@Ne_se_bricham) September 9, 2021
Четврти потсетуваат дека дијаспората се враќа секоја година – да направи свадби, да поправи заби и да си понесе зимница.
Ако се враќаат не е добро, кога ќе се вратат пак не е добро, забележуваат некои граѓани. Министерката за труд и социјала Јагода Шахпаска лани обвини дека враќањето на иселениците во земјава ја зголемило невработеноста.
Други прашуваат дали ќе има казни и за иселениците, ако веќе сите се еднакви.
Според Заев сите наши иселеници се наши граѓани и треба да ги попишеме. Е сега пошто нас ќе не казнуваат тука и ни се закануваат ако не се попишеме, дали за нив исто ќе важи казната или нив сега ќе ги заборават?
— Don Juan Demarco (@vlezeizleze) September 20, 2021
Државниот завод за статистика со поумерен тон. Бројот на иселеници е потребен за да се планираат услугите во амбасадите и конзулатите.
Точните информации за локацијата и бројката на наши иселеници на одредено место помагаат во обезбедувањето на соодветна техничко-административна поддршка во дипломатко-конзуларните претставништва на земјава во странство. Учествувај! За државата да може да биде тука за тебе. pic.twitter.com/nNMPzz3Sr8
— Попис 2021 (@popis2021) September 18, 2021
Пописот се одржува од 5 до 30 овој месец. Дијаспората се попишува онлајн. До вчера се попишани над 1,3 милиони граѓани, а во дијаспората се самопопишале скоро 200 илјади луѓе. Македонија скоро две децении нема попис на населението. Пребројувањето на етничката структура на населението е најпроблематичниот дел, затоа што и колективните права на заедници во голема мера зависат од нивната бројност.