Луѓето носат цвеќе за настраданите пред основното училиште „Владимир Рибникар“ во центарот на Белград на 4 мај. Оваа образовна институција ден претходно беше место на напад. Тринаесетгодишен ученик пукал и убил осум деца и еден чувар, а ранил шест ученици и еден наставник.
Ден по нападот - Цвеќе за жртвите пред белградското училиште
Собир пред местото на нападот - ОУ „Владимир Рибникар“ во центарот на Белград.
Нападот се случил откако учениците се вратиле на училиште по првомајските празници.
Според полицијата, осомничениот ученик К.К.(13) на 3 мај околу 08.40 часот при доаѓањето на училиште веднаш извадил пиштол од чантата и пукал во обезбедувањето. После тоа пукал во три ученички кои случајно се нашле во близина. Потоа продолжил низ ходникот до канцеларијата за историја, ја заменил рамката со муниција и откако влегол во училницата отворил оган врз наставничката и учениците. Потоа ја напуштил училницата и отишол во училишниот двор, каде што ја испуштил рамката од пиштолот и повикал полиција. Уапсен е во училишниот двор.
Во нападот биле употребени два пиштола - еден со калибар од девет милиметри со три куршуми и еден малокалибарски пиштол.
Осомничениот во училиштето донел и четири молотови коктели. Малолетникот го земал оружјето што го поседувал неговиот татко, кој исто така бил уапсен.
Мотивот засега не е познат, но претставници на полицијата соопштија дека делото било планирано еден месец.
Осомничениот имал список на ученици кои планирал да ги убие и нацртана карта на училиштето.
Некои медиуми објавија дека осомничениот ученик бил жртва на насилство од врсници.
Ученикот го носел оружјето во ранецот. Училиштето има систем за видео надзор, но нема детектори за метал.
Српскиот претседател Александар Вучиќ вчера рече дека се потребни законски измени.
Ученикот е сместен во невропсихијатриска клиника.
Полицијата го привела и таткото на ученикот.