Ученици бегаат од часови, младите бегаат од Македонија, криминалци бегаат од затвор или уште подобро пред да одат во затвор, а почнаа и заболени со коронавирус да бегаат од болница. Во Македонија не избега само кој нејќеше.
Пациент заболен со коронавирус пред неколку дена, маскиран како доктор, избега од Инфективното одделение во Градската болница „8 Септември“ во Скопје.
Дел од граѓаните на социјалните мрежи иронично коментираат дека подобро што избегал отколку да оперира пациенти. Други, пак, се шегуваат дека поарно човек жив да избега, отколку неговото семејство потоа да го краде мртов, алудирајќи на неодамнешниот случај од Струмица кога роднините го украдоа телото на починат од болницата.
Ќути кога не стасал да оперира пациенти ...
— Bobstar (@bobstar_m) October 7, 2020
Позитивен на корона се маскирал во лекар и избегал од болница во Скопје. Абе бидете среќни што не отишол во сала да оперира!
— Ебачот од Долно Дупени (@boni99943) October 7, 2020
"Позитивен на корона, се маскирал во доктор и така избегал од болницата во Скопје" Какви љамбеци има, добро шо не влегол у сала да оперира
— Дедa (@DedaPilos) October 7, 2020
Директорот на „8 Септември“ Христијан Костов за порталот СДК.мк изјавил дека станува збор за бездомник од Куманово кој бил донесен во болница на 1 октомври во тешка состојба со пневмонија предизвикана од коронавирус. Кога почнал да заздравува, почнал да станува од кревет и да шета, по што ја напуштил болницата. Полицијата го пронашла по неколку часа во близина на болницата.
Избегал пациент со Ковид од ГОБ 8ми Септември, прашуваат како дека имало бројно обезбедување, а не им текнува дека тоа обезбедување е да не те пушти да влезеш, ама ич не ги интересира кој излегол.
— Џастис (@ca45se15) October 7, 2020
Пациентов што избегал од болница бил регистриран бездомник.Значи до толку е лошо! :(
— Конзерва (@Becka_skola) October 7, 2020
Едни велат дека за вакви случаи се снимаат филмови.
Позитивниот на корона, се маскирал во доктор и така избегал од болницата во Скопје.Пред да избега му бил пуштен филмот "Фати ме ако можеш" со Леонардо Ди Каприо
— Атанасовски (@AdvokatNikolco) October 7, 2020
Други, пак, даваат поинакво толкување на бегството.
Во #НоваТехнократија за ова не викаме избегал, туку се снашол pic.twitter.com/h6vD6eQQXJ
— Мартиан (@MartianfromMKD) October 7, 2020
Пациент избегал од ковид оделението во 8ми септември. Веројатно слушнал дека македонскиот пасош е појак од американскиот.
— Филип од репрезентација (@ProetProetski) October 7, 2020
Овај шо избегал ко доктор маскиран, можда за Халовин се спремал, не мора одма со осуди.
— Сомнително Лице (@ohrigjanecot) October 7, 2020
Дел од граѓаните потсетуваат дека неодамна роднини го украдоа телото на починат од коронавирус од болницата во Струмица. На 21 септември група од околу 30 луѓе украле мртовец од Инфективната амбуланта во Струмичката болница. Човекот бил донесен во тешка состојба и по кратко време починал, а семејството го украло починатиот сосе кревет.
"Позитивен на корона, се маскирал во доктор и така избегал од болницата во Скопје" Боље сам да избега него мртвога да га крадев.
— Курчубиќ (@MadEptenLud) October 7, 2020
Ова не е прв случај на бегство на заболен или сомнителен на коронавирус во земјава. Уште на почетокот на пандемијата, на крајот на февруари, виничанец и неговата хрватска партнерка, повратници од Италија, избегаа од Инфективното одделение во Штипската болница, додека ги чекале резултатите од тестот на коронавирус. За неколку часа беа вратени и за среќа нивните тестови беа негативни.