Украина погодена од уште еден бран руски напади, продолжуваат тешките борби во Доњецк

Руските сили погодија цивилни и инфраструктурни цели со нов бран проектили и беспилотни летала во текот на ноќта, соопшти украинската војска во утринско соопштение на 22 јуни, додавајќи дека се водат жестоки битки во источниот регион Доњецк, каде Русија ги интензивира нападите.

Kлучниот мост што го поврзува полуостровот со окупираниот дел од јужниот украински регион Херсон, беше оштетен откако беше погоден од ракети „Сторм шадоус“ (Storm Shadows) истрелани од украинските сили, соопшти официјален претставник назначене од Москва.

Генералштабот извести дека украинската противвоздушна одбрана ги соборила сите шест беспилотни летала од иранско производство, но соопшти дека се уште неодреден број цивили биле убиени и ранети, без да се соопштат дополнителни детали.

Русија, исто така, лансираше 44 проектили и 47 ракетни салви врз украинската цивилна инфраструктура, соопшти војската.

Шефот на локалниот народен совет под регионалната воена администрација на Одеса, Серхиј Братчук, рече дека три дронови биле соборени во јужна Украина, a други беспилотни летала предизвикале мала штета во регионот на Одеса.

Павло Кириленко, началникот на регионот Доњецк, изјави дека еден цивил бил убиен од руско гранатирање, а шест други биле ранети во Часив Јар кај Хорливка.

Човечки остатоци во село освоено од украинските сили

Властите во регионите Кривиј Рих, Днепропетровск, Керсон и Харков исто така известија дека овие региони биле гранатирани во текот на ноќта. Во Харков едно лице е рането, изјави регионалниот гувернер Олех Синехубов.

Од почетокот на минатиот месец, Русија ги интензивираше нападите врз Украина, предизвикувајќи многу цивилни жртви и дополнително оштетувајќи ја инфраструктурата на земјата.

Украински тенк во акција за ослободување села во Доњецк

На бојното поле, Генералштабот соопшти дека се водат „тешки борби“ во Доњецк, каде што украинските бранители одбија 40 руски напади во Лиман, Бахмут, Авдијивка и Маринка.

Во јужните региони Запорожје и Керсон, украинските сили продолжија со офанзивните операции, соопшти војската на 22 јуни, без да даде детали за фазата на контраофанзивата на Украина.

На 21 јуни, портпаролот на Генералштабот изјави дека украинските сили постигнале одредени придобивки во нивното напредување кон градовите Мелитопол и Бердјанск во Запорожје.

Украинскиот претседател Володимир Зеленски во интервју за „Би-Би-Си“ призна дека напредокот на контраофанзивата бил „побавен од посакуваното“, но, дека Киев нема да биде под притисок да го забрза.

„Некои луѓе веруваат дека ова е холивудски филм и очекуваат резултати сега. Но, не е тоа. Она што е во прашање се животите на луѓето“, истакна Зеленски.

Началникот на Крим, назначен од Москва, Владимир Салдо, изутрината на 22 јуни изјави дека украинските сили истрелале проектили врз мостот што ги поврзува Крим и Херсон. Салдо на својот канал на Телеграм рече дека нападот бил извршен врз мостовите во регионот Чонгар.

Тој рече и дека патот е оштетен, но нема повредени луѓе, а отворени се и алтернативни транспортни патишта.

Според Салдо, најверојатно биле користени проектили со долг дострел „Сторм Шадоу“ (Storm Shadow). Одделно, Сергеј Аксјонов, началникот на Крим инсталиран во Москва, рече дека штрајкот бил спроведен ноќе, додавајќи дека специјализираните служби ја проценуваат штетата предизвикана на мостовите.

За ова нема официјален коментар од Украина. Велика Британија минатиот месец објави дека ѝ донира на Украина ракети „Сторм Шадоу“.

На дипломатски план, украинскиот премиер Денис Шмихал на Конференцијата за закрепнување на Украина во Лондон на 21 јуни, изјави дека очекува да обезбеди речиси 7 милијарди долари помош за реконструкција, додека Зеленски рече дека на Киев му требаат конкретни обврски за проекти кои ќе помогнат во повоениот развој и натамошна модернизација.

Шмихал рече дека војната значи дека Киев се соочува со најголемиот проект за реконструкција во Европа од Втората светска војна. Тој рече дека цената за реконструкција ќе биде повеќе од 6 милијарди долари во следните 12 месеци.

„Клучната цел е да се мобилизираат ресурси за финансирање на брзото закрепнување“, рече тој.

Претседателката на Европската комисија, Урсула фон дер Лајен, најави дека ЕУ ќе и даде на Украина 50 милијарди евра (54,6 милијарди долари) за 2024-2027 година, додека државниот секретар на САД, Антони Блинкен, понуди 1,3 милијарди долари дополнителна помош. Британскиот премиер, Риши Сунак, ги претстави мерките, вклучително и дополнителни гаранции од 3 милијарди долари за отклучување на заемите од Светска банка за Украина.

Обраќајќи се на настанот преку видео врска, Зеленски ги поздрави ветувањата, но, повика на транзиција кон конкретни предлози кои не само што можат да и помогнат на Украина да се опорави од разорниот конфликт, туку и да ја стави на вистинскиот пат да стане силен член на западната заедница.