„Од портири до советници преку ноќ во МНАВ? Ма НЕМОГУЌЕ!
Од хигиеничарки до медицински сестри преку ноќ? Ма нема шанси!
Од шофери до шефови преку ноќ? Ма јок!
Од магационери до директори преку ноќ? Ма теорија нема!
Од хаузмајстори до советници на министри преку ноќ? Кај нас? Ма кој ве лаже? Држава е ова не е зафрканција“!
Ова е пост на Калина Коси позната Фејсбук личност со голем број следбеници, кој на ироничен начин, веројатно ја рефлектира разочараноста на граѓаните во земјата од состојбите кои траат неверојатно долго и кои според комуниколозите се продлабочуваат.
Од каде таква нервоза и бес на интернет просторот? Кривичниот законик, законот за амнестија, државните набавки, тендери, разноразни сомнежи за криминал , не функционирање на системот се главните причини за кои граѓанството се нервира во последно време, а многу помалку за (не) функционирањето на системот Соговорник ни е Жанета Трајковска од Институт за комуникациски студии и Висока школа за новинарство и за односи со јавноста.
РСЕ студио - Зоран Ќука, новинар и Жанета Трајковска, Институт за комуникацски студии
Жанета и твојата лутина често е присутна на социјалните мрежи. Еве да почнам од еден твој пост.
Вака си напишалa “Наслов на денот и на нашето секојдневие“.
„Премиерот Димитар Ковачевски, министерката за труд и социјална политика Јованка Тренчевска, потпретседателот на Собранието Горан Мисовски, пратениците Дарко Каевски и Моника Зајкова и градоначалникот на Општина Центар Горан Герасимовски денеска промовираа молерисани занимални во градинка во Скопје. Сите одржаа прес-конференција на која соопштија што е сработено во градинката.“
Што тука те изнервира?
Па добро, може да се согласиме дека ова беше вест од настанот каде на еден начин се става под знак прашање зошто голем дел од државниот врв отишле во градинка да се сликаат за ваква секојдневна работа. Треба сите да не изнервира бидејќи ние сите овие политичари и пратеници носители на јавни функции ги плаќаме а тие потрошиле веројатно пола работен ден за да отидат во градинката во општина Центар и да сликаат за да кажат колку многу работат. Ако е ова нивото на кое што тие работат, тогаш тешко на Македонија.
Некако се изгубија оние комуникациски вредности на почитување на јавноста, на оние на кои им се обраќаме, на соговорниците. На што се должи генерално гневот кој се истура по социјалните мрежи?
Па од една страна мислам дека тоа непочитувањето или губењето на нивото на комуникација пред се е вина на носителите на јавни функции на сите ние кои на некој начин учествуваме во јавниот простор и креираме јавно мислење и ние денеска тука но пред се тие кои се носители на јавни функции. Најголем дел од нив се однесуваат кон граѓаните и јавноста се однесуваат со потценување на начин дека едноставно се може да помине денеска.
Целиот разговор со Жанета Трајковска во Подкастот Зошто?
Вашиот пребарувач не подржува HTML5
Што Те нервира
Голем дел од јавноста беше „изнервирана“ недостигот на правда што неодамна го препознаа во измените на кривичниот законик со кој се намалија казните за злоупотребите на функционерите? ЕУ излезе со критики. Специјалниот претставник на САД за Западен Балкан Габриел Ескобар во интервју за РСЕ рече дека Северна Македонија треба да се погрижи нејзините закони не само да се во согласност со Уставот, туку и со европските очекувања. За сето ова со Жанета Трајковска од Институтот за комуникациски студии разговаравме и за тоа како да се смени состојбата, да се намали омразата и да започне вистински дијалог меѓу заинтересираните страни?
Вашиот пребарувач не подржува HTML5
Премиерски маркетинг
Слушајте не, следете те го поткастот Зошто на Слободна Европа и на Спотифај, Јутјуб, Ејпл и Гугл подкаст. Кликнете на Зошто и давајте ни идеи и теми кои сакате да ги слушате, а ние ќе прашуваме преку нашите социјалните мрежи.