Руски воздушен напад врз Киев, погодена е и детска болница

Експлозии одекнаа во Киев околу 10:30 часот по локално време додека градската воена управа и соопшти на јавноста дека воздушната тревога продолжува.

Зеленски рече дека „повеќе од 40 проектили од различни типови“ биле насочени кон Киев, Дњепар и Кривиј Рих во централна Украина и Краматорск и Славјанск во источниот регион Доњецк.

Градоначалникот на Киев Виталиј Кличко наведе 11 жртви. Тој за Ројтерс изјави дека тоа бил „еден од најлошите“ напади врз главниот град во 28-месечната војна од целосен обем.

Градската воена управа на Киев соопшти дека детската болница Охмадит е оштетена.

Очај и неверување по нападите на главниот град на Украина.

Луѓе помагаат да се расчистат остатоците додека чад излегува од објектот.

Зеленски, кој престојува во ненадејна посета на Варшава на 8 јули, рече дека „целиот свет мора да ја искористи сета своја решеност конечно да стави крај на руските напади“, додавајќи: „Убиството е она што го носи рускиот претседател Владимир Путин. Само заедно можеме да донесеме вистински мир и безбедност“.

Украинскиот претседател Володомир Зеленски рече дека во нападот врз главниот град и другите градови биле оштетени „станбени згради, инфраструктура и детска болница“.

Шефот на кабинетот на Зеленски, Андриј Јермак, преку Телеграм соопшти дека „гранатирањето на Украина дошло во време кога има најмногу луѓе на улиците“. Тој ги обвини „опседнатите руски терористи“.

Москва негираше дека цели на цивили во 28-месечната инвазија на целосен обем и покрај честите напади што ги погодија станбените згради, училиштата, па дури и болниците.

Дневните напади врз градовите беа ретки, иако Русија ги засили воздушните бомбардирања на украинските населени центри и инфраструктурата во последните шест месеци.