Продолжува потрагата по преживеани во смртоносните поплави во Авганистан

Авганистанец гледа во она што останало од неговата куќа по поплавите во северната провинција Баглан на 12 мај.

Во последниот бран поплави по обилните сезонски дождови, повеќе од 300 луѓе загинаа, многу повеќе беа повредени, а повеќе од илјада домови беа уништени, според Светската програма за храна на ОН (WFP).

 

Владејачката талибанска влада во Авганистан на 12 мај соопшти дека најмалку 1.630 луѓе биле повредени во провинцијата Баглан, а повеќе од 2.660 домови биле уништени додека екипите за итни случаи и членовите на семејствата продолжуваат да трагаат по преживеани.

Луѓе со лопати ја копаат густата кал додека трагаат по преживеани во провинцијата Баглан.

Итната помош пристигна до поплавените подрачја во близина на селото Ширџалал во Баглан.

Уништувањето беше најголемо во провинцијата Баглан, каде што „невидените врнежи“ оштетија или уништија илјадници домови од 10 мај.

Првично беше кажано дека провинцијата Баглан е меѓу најтешко погодените области, но властите оттогаш ги додадоа на таа листа и провинциите Бадакшан, Гор и Херат .

Салим, 45-годишен маж од Баглан, загуби четворица членови на неговото семејство во поплавите

Хаџи Сараха, 48-годишен Авганистанец кој ги загуби сите членови на семејството во поплавите, добива третман во амбулантно возило.
 

Поглед на оштетените домови по поројните поплави во селото Ширјалал.

Авганистан е една од најранливите земји во светот кога станува збор за климатските промени и најмалку подготвена да се прилагоди, се вели во извештајот на Канцеларијата на Обединетите нации за координација на хуманитарни прашања (OCHA).

 

Момче од Авганистан набљудува возило заглавено во поплавено подрачје по поројните поплави во селото Шахрак Мухаџирин.

Волонтери делат леб меѓу луѓето погодени од поплавите кај селото Ширјалал.

Транспортните врски и патиштата за снабдување во планинскиот регион и понатаму се сериозно нарушени.

Девојче, кое изгубило четворица од нејзиното семејство, стои покрај гробот на нејзиниот брат во близина на селото Шерџалал.