Младата лекарка Соња Граждани чекала три години да почне специјализација, а во меѓувреме работи на Клиниката за кардиологија. Работи рамо до рамо со специјалистите. Асистира и на операции, па дури и на отворено срце, а беше дел од тимот што ја направи првата трансплантација на срце во 2021 година.
Таа е една од младите лекари и приватни специјализанти кои го кренаа својот глас и на протести бараат достоинство и да им се вреднува трудот.
Доцна реагиравме во оваа ситуација, не требаше да се дозволи толку долго да трае. Поголем дел од специјалистите кои ги гледате на Клиниките се приватни специјализанти. Се водат инкогнито, не постојат официјално на Клиниката, а вршат повеќе работа отколку оној кој е вработен.
Соња Граждани, дел од тимот лекари што ја изврши првата трансплантација на срце во 2021
Младите лекари и специјализанти на Клиниките во Скопје се револтирани не само заради платата која е речиси еднаква на минималната, туку и за другите неправди. А приватна специјализација има само кај нас, тоа не постои во други земји.
Вашиот пребарувач не подржува HTML5
Лекарите заминуваат од очај
Специјализантите немаат ниту здравствено осигурување, ниту право на платено породилно отсуство.
Повеќето приватни специјализанти кога ќе се разболат не ни одат на прегледи, немаат здравствено осигурување. А даваат премногу. Немаат ни распоред колку саати треба да работат, по неколку дежурства неделно, од по 24 часа, а немаат ниту ден одмор. На свој грб ја носат целата Клиника. Не добиваат ништо, а даваат премногу.
Граждани вели дека во оваа ситуација е ризик и за пациентите затоа што лекарите специјалисти префрлаат многу работа на специјализантите, а тие практично не постојат во системот што значи и дека не можат да бидат одговорни за лекарска грешка. А грешките најчесто остануваат неказнети.
Објаснува дека сепак останала на Клиниката заради преголемата желба, но и можела тоа да си го дозволи затоа што имала помош од дома. Поминала и една година во САД каде специјализирала срцева слабост.
Повеќето се откажуваат од својот сон, и почнуваат да работат како општи лекари.
Најмногу фрустирира што вработувањата на клиниките се партиски.
„Заради дискреционото право на министерот, се вработува оној кој што министерот смета дека треба да се вработи. Но наместо најдобриот се користи да се вработи оној со најслаби оценки, но со најсилни партиски врски. Тоа само ги фрустрира докторите“.
Соња Граждани гостинка во поткастот „Зошто“ со Сања Васиќ
Не ја исклучува опцијата заминување во странство за 5,6 години, но верува дека ситуацијата ќе се промени ако постои желба. И дека може да се промени и преку ноќ. Како пример ги наведува Албанија и на Косово каде специјализантите се плаќаат по илјада евра месечно. Следен чекор би било зајакнување на меритократијата.
Верувајте многу би сакале да останат, но заминуваат заради очај, вели д-р Соња Граждани.
Слушајте не, следете те го поткастот Зошто на Слободна Европа и на Спотифај и Јутјуб и Ејпл. Кликнете на Зошто и давајте ни идеи и теми кои сакате да ги слушате, а ние ќе прашуваме преку нашите социјални мрежи.