Алексеј Навални: Животот помеѓу политиката, протестите и затворот

Во текот на оваа деценија, Алексеј Навални (на фотографијата, 2010), опозициски лидер, корпоративен адвокат и активист за борба против корупцијата, од главен непријател на Кремљ стана најистакнат политички затвореник во Русија.

Навални (47) отслужува единствена затворска казна од 11,5 години поради претходните пресуди и сега ја чека својата судбина во новото судење зад затворени врати, кое би можело да го задржи зад решетки уште 20 години. Пресудата се очекува денеска, 4 август.

Навални гледа низ прозорецот на својата ќелија во Москва, декември 2011 година. Тоа беше почеток на она што ќе стане редовна појава.

Полицијата го приведе Навални (лево) на митинг во Моксва, 5 март 2012 година, откако Владимир Путин беше прогласен за победник на претседателските избори.

Навални ја опиша партијата на Путин, Единствена Русија, како „партија на измамници и крадци“.

Поддржувачите го поздравија Навални во мај 2012 година, откако тој и левичарскиот политичар Сергеј Удалцов беа ослободени од притвор по отслужувањето на 15-дневната казна за „учество во нелегален јавен настан“ во Москва. Тие беа уапсени поради протести против инаугурацијата на Путин.

Апсењето на Навални на „неодобрениот митинг“ во центарот на Москва, 15 декември 2012 година. Опозицијата тврдеше дека биле приведени за да ги спречат да учествуваат на протестите против Путин.

Навални и неговата сопруга Јулија по судското рочиште, додека еден од неговите поддржувачи држи транспарент со порака „За Навални“ во Киров, 16 мај 2013 година.

Навални, тогаш обвинет за проневера, рече дека обвиненијата се како одмазда за неговото разоткривање на владината корупција и за неговата кампања против Путин.

Двојката Навални патува со воз од Киров до Москва, 20 јули 2013 година. Тие беа ослободени од притвор откако добија условна казна поради обвиненијата за проневера.

Навални и неговиот брат и сообвинет, Олег, на судско рочиште во Москва на 30 декември 2014 година, во посебен случај за проневера. Судот одлучил Навални да добие условна казна, но го затворил Олег на 3,5 години.

Навални се обидува да стане откако тој и неговите соработници беа нападнати од група Козаци на аеродромот Анапа во јужна Русија, мај 2016 година.

Навални по нападот во кој беше полеан со зелена течност (зелјонка) по состанокот во Москва на 27 април 2017 година.

Јулија му помага на Алексеј да си го исчисти лицето по нападот во кој се здоби со изгореници на очите.

Јулија и Алексеј ја слават неговата кандидатура за претседателските избори во Москва, 24 декември 2017 година. Навални водеше голема едногодишна кампања и организираше масовни собири за да го натера Кремљ да му дозволи да се кандидира.

Навални оди на состанок во Централната изборна комисија во Москва, 25 декември 2017 година.

Тој беше дисквалификуван од трката по кривичната пресуда. Овој потег нашироко се смета за политички мотивиран.

На 12 јуни 2019 година, полицијата го приведе Навални на митинг за поддршка на истражувачкиот новинар Иван Голунов, кој беше уапсен и обвинет за поседување дрога.

Видно болен, Навални, со црвени и отечени очи, седи на болнички кревет во Москва, 29 јули 2019 година, додека отслужува 30-дневна затворска казна за повикување на неовластени протести. Тој рече дека верува дека бил отруен. Лекарите ја припишуваат неговата болест на „акутна алергиска реакција“.

Семејството Навални позира по гласањето на изборите за градскиот совет во Москва, 8 септември 2019 година. Алексеј тврдеше дека руската влада ги замрзнала сите негови банкарски сметки и оние на неговата сопруга, децата и неговите родители.

Иван Жданов (лево), Љубов Собол (во средината) и Навални на митинг по повод петгодишнината од атентатот на опозицискиот лидер Борис Немцов во 2015 година пред ѕидовите на Кремљ и протестот во 2015 година против предложените амандмани на уставот во Москва, 29 февруари 2020 година.

Жена го гледа на ТВ како екипа на брза помош во Омск го носи Алексеј на носилки откако му се слошило поради сомневање за труење додека бил на лет од Томск до Москва, 20 август 2020 година.

Навални позира со своето семејство во болницата Шарит во Берлин на 15 септември 2020 година.

Германските лекари кои го лекувале Навални изјавиле дека тој бил отруен со нервен агенс од групата Новичок, смртоносно хемиско оружје. Тој помина неколку недели во медицински индуцирана кома.

Навални опкружен со новинари во авион во Берлин пред неговиот лет за Москва на 17 јануари 2021 година.

Откако се опоравил од труењето решил да се врати во Русија. По пристигнувањето во Москва, тој беше приведен под обвинение дека ја прекршил условната казна со напуштање на земјата без дозвола.

Алексеј Навални на сослушување во Градскиот суд во Москва, 2 февруари 2021 година. Тој беше осуден на две години и осум месеци затвор.

Луѓето цртаат срца со светилките од своите мобилни телефони за поддршка на Навални во Москва во февруари 2021 година. Опозициските лидери ги повикаа луѓето да ги вклучат своите батериски ламби во знак на солидарност со Навални за време на неколку викенди на протести низ Русија.

Навални присуствува на сослушување преку видео врска во судница во Москва на 24 јули 2022 година.

Адвокатот Вадим Кобзев на 21 јули 2023 година изјави дека Навални бил испратен во самица на 13 дена затоа што „неправилно му се претставил на чуварот“. Тоа беше негов 17-ти пат во самица од август 2022 година. Еден ден претходно, обвинителите побараа од судот да го осуди на уште 20 години под обвиненија кои вклучуваат екстремизам.