Романските изборни власти ја одобрија кандидатурата на водачот на ултранационалистичка партија за претседателските избори во мај во саботата, неколку дена откако Уставниот суд ја потврди одлуката за забрана на екстремно десничарскиот популист Калин Георгеску да се кандидира.
Одлуката на Централната изборна комисија (ЦИК) да ја одобри кандидатурата на Георге Симион, лидерот на Алијансата за единство на Романците АУР и сојузник на Георгеску, дојде ден откако тој ја поднесе својата апликација.
Симион и Анамарија Гаврила, водач на екстремно десничарската Младинска партија ПОТ и поранешен член на АУР, најавија претходно оваа недела дека ќе влезат во трката и дека еден од нив ќе се повлече доколку и на двајцата им биде одобрено да се кандидираат. Се очекуваше Гаврила да ја поднесе својата апликација во сабота, кога е и крајниот рок.
Во саботата ЦИК ја отфрли кандидатурата на друга екстремно десничарска политичарка, лидерката на партијата СОС Романија, Дијана Сосоака, и ја одобри кандидатурата на проевропската центристичка политичарка Елена Ласкони. Сосоака исто така беше отфрлен кога изборите првично беа одржани во ноември.
Георгеску, кој е критичен кон НАТО и се противи на поддршката на Романија за Украина, изненадувачки победи во првиот круг од изборите на 24-ти ноември. Симеон беше четврти.
Вашиот пребарувач не подржува HTML5
Протести на поддржувачите на забранетиот романски кандидат за претседател, Георгеску
По тоа гласање, романските разузнавачки служби известија дека странски актери, најверојатно Русија, манипулирале со платформите на социјалните медиуми, особено ТикТок, во корист на Горгеску. Уставниот суд потоа ги поништи претседателските избори на 6 декември, пред вториот круг на гласање.
Новото гласање е закажано за мај – првиот круг на 4 мај и вториот круг, доколку е потребно, на 18 мај.
Поддржувачите на Георгеску одржаа неколку протести против одлуката да му се забрани да се кандидира.
Демонстрантите од целиот политички јаз одржаа митинг во Букурешт во саботата за да изразат солидарност со, како што велат, европските вредности.