Сирените за воздушен напад се огласиле ширум Украина рано на 31 декември со експлозии кои се слушнале во некои делови на главниот град, додека властите предупредуваат на руски воздушни напади.
Предупредувања се издадени во регионите Чернихив, Суми, Полтава, Луганск, Дњепропетровск, Запорожје, Киев, Черкаси, Кировохрад и Винице.
Шефот на градската воена управа на Киев, Серхи Попко, пријави дека паѓаат остатоци во областа Дарницки. Не се дадени информации за евентуални жртви.
Регионалната воена администрација во Суми извести за руски ракетен напад врз инфраструктурата во градот Шостка. Се додава дека е во тек истрага за проценка на штетите и за тоа дали има жртви.
Видете и ова: Русија и Украина разменија десетици воени заробенициНовите напади доаѓаат ден откако Соединетите Држави ветија дополнителна безбедносна помош за Украина за да помогнат во зајакнувањето на нејзината одбрана долж линијата на фронтот.
Белата куќа вети дополнителен пакет од 1,25 милијарди американски долари за украинската војска и пакет од 1,22 милијарди американски долари од Иницијатива за безбедносна помош за Украина.
Неколку часа подоцна, Министерството за финансии објави посебна исплата на 3,4 милијарди долари за Украина како директна буџетска поддршка.
Најавите следуваат додека пред да заврши мандатот на претседателот Џо Бајден следниот месец.
Видете и ова: САД објавија помош од 5,9 милијарди долари за Украина пред крајот на мандатот на БајденБајден вети дека ќе продолжи да ја зголемува поддршката, но пакетот најверојатно ќе биде последниот донесен за време на неговата администрација поради загриженоста дека новоизбраниот претседател Доналд Трамп значително ќе го намали или запре снабдувањето со оружје за Украина со цел да го притисне Киев да преговара за мировен договор со Русија.
Трамп треба да биде инаугуриран на 20 јануари.
Русија со недели ги турка назад украинските трупи на фронтот и на 29 декември тврдејќи дека зазела уште еден град во украинскиот регион Доњецк додека продолжува со својата долга крвава акција против стратешкиот, но речиси уништен логистички центар Покровск, на југот од земјата .
Руското Министерство за одбрана на 30 декември соопшти дека нивните сили го зазеле Новотројитске, на околу 16 километри јужно од Покровск.
Украинската војска не коментираше конкретно за Новотројицке, но рече дека руските трупи извршиле 133 напади на нејзините позиции, од кои повеќето биле во областа Покровск.