Лидерот на грузиската опозиција, Ника Гварамиа кој беше претепан до онесвестување за време на неговото апсење, се опоравува и очекува судско рочиште, изјави неговиот адвокат на 5 декември. Во меѓувреме, Соединетите Држави остро ја осудија употребата на насилство од страна на владејачката партија Грузиски сон против демонстрантите кои протестираа против владината одлука да ги запре преговорите за членство во ЕУ.
Гварамиа, лидерот на партијата Ахали под покровителство на Коалицијата за промени, беше уапсен на 4 декември од полицијата за време на претресот на властите во штабовите на опозициските партии во Тбилиси. Повеќепати бил удиран во стомакот додека не изгубил свест пред да биде одвлечен во полициско возило.
Адвокатот на Гварамиа, Дито Саџаглишвили, на 5 декември изјави дека здравствената состојба на лидерот на опозицијата е „задоволителна“. Саџаглишвили рече дека Гварамија е уапсен поради „ситно хулиганство и непочитување на полициските наредби“ и дека судското рочиште за неговиот случај треба да се одржи во рок од 48 часа од неговото апсење.
За време на полициската акција беше приведен уште еден истакнат член на Коалицијата за промени, активистката Гела Хасаја.
Вашиот пребарувач не подржува HTML5
Четири можни сценарија за Грузија: од предвремени избори до поголеми протести
Американскиот државен секретар Ентони Блинкен упати строго предупредување до владата на Грузиски сон, повикувајќи ја „да престане со репресивните тактики, вклучително и употребата на произволно притворање и физичко насилство“, додека Тбилиси беше вознемирен по шестиот ден од масовните протести на кои според извештаите имало прекумерна употреба на сила од страна на полицијата.
„САД силно го осудуваат бруталното и неоправдано насилство на партијата Грузиски сон врз грузиските граѓани, демонстрантите, претставниците на медиумите и опозиционерите“, се вели во соопштението на Блинкен.
Блинкен ја потврди „солидарноста на Соединетите Држави со грузискиот народ и нивните демократски аспирации“, предупредувајќи дека оние кои се обидуваат да го потиснат правото на слобода на Грузијците „ќе одговараат“, вклучително и со дополнителни санкции.
Во јули, Вашингтон ја суспендираше помошта од 95 милиони долари за Грузија, откако парламентот контролиран од Грузиски сон усвои закон за странски агенти, за кој критичарите велат дека бил инспириран од сличен руски закон што го користел Кремљ за да се запре политичкото несогласување и да предизвика масовни протести.