Рускиот министер за одбрана Белоусов во посета на Северна Кореја

Рускиот министер за одбрана Андреј Белоусов денеска (29 ноември) пристигна во официјална посета на Северна Кореја.

Посетата се одвива во период кога е забележително зближувањето меѓу двете земји.

„За време на официјалната посета на министерот за одбрана на Русија на КНДР, планирани се голем број билатерални средби со претставници на военото и воено-политичкото раководство на републиката“, соопшти Министерството за одбрана на Руската Федерација.

Видете и ова: Северна Кореја го ратификуваше одбранбениот договор со Русија

Во соопштението не се наведуваат повеќе детали околу посетата.

Неодамна Северна Кореја го ратификуваше одбранбениот договор со Русија, со што е потврдено нивното зближување поради руската војна во Украина. Според украинските власти, околу 11 000 севернокорејски војници веќе се распоредени во Русија и почнале да се борат против Украинците на руска територија, во областа Курск.