Назначената „хуманитарна зона“ во Појасот Газа треба да се прошири и ќе вклучува теренски болници, вода и лекови, изјави во понеделник (11 ноември) портпаролот на израелските одбранбени сили (ИДФ), во услови на тешки услови на палестинската територија опустошена од војната.
Хуманитарните организации постојано предупредуваа на глад меѓу населението, особено во северниот дел на Газа.
Соединетите Држави и другите сојузници на Израел постојано го повикуваат Израел да ги отвори граничните премини за испорака на помош.
Германската министерка за надворешни работи Аналена Бербок повика да се отворат сите премини. „Никогаш во последните 12 месеци не влезе толку мала помош во Појасот Газа како сега“, рече таа во изјавата објавена во неделата.
Бербок рече дека Израел постојано давал ветувања во врска со ова, но потоа „не успеал да ги исполни“.
Видете и ова: Најмалку 17 луѓе загинале при израелски напади врз ГазаОваа недела истекува рокот од 30 дена што САД го поставија на 13 октомври, во кој на Израел му беше наложено да ја подобри хуманитарната ситуација во Појасот Газа, или во спротивно американската воена помош за Израел ќе биде ограничена.
Израелските власти велат дека испораките на помош се ограбуваат од оперативци на Хамас, кои потоа ја продаваат стоката на населението во обид да ја зацврстат нивната контрола.
Хамас е прогласена за терористичка организација од Соединетите Држави и Европската Унија.
Видете и ова: Израел усвои закон за депортација на семејствата на палестинските напаѓачиПалестинските жители велат дека нема безбедни области во регионот, истакнувајќи дека израелската војска постојано извршувала напади во зоните прогласени за безбедни по нападот на 7 октомври 2023 година, во кој беа убиени повеќе од 1200 луѓе, а околу 250 беа земени како заложници.
Во израелската офанзива која следуваше потоа, повеќе од 43300 луѓе биле убиени и над 102 000 повредени , според информациите на Министерството за здравство контролирано од Хамас.