Најмалку 72 лица загинаа во поплавите во Шпанија

Бројот на загинати во поплавите во шпанската автономна провинција Валенсија се искачи на најмалку 72 лица, пренесува Агенцијата Франс Прес.

Телото кое ги координира спасувачките служби во источниот регион на Валенсија објави во соопштение нов привремен број на загинати од 70. Водачот на соседниот регион Кастиља-Ла Манча веќе пријави два смртни случаи.

Невремето од дожд во вторникот предизвика поплави во поголемиот дел од јужна и источна Шпанија, од Малага до Валенсија.

Шпанскиот премиер Педро Санчез изјави дека десетици градови се поплавени и предупреди дека опасноста не поминала.

„За оние кои ги бараат своите сакани, цела Шпанија ја чувствува вашата болка“, рече Санчез во телевизиско обраќање. „Наш приоритет е да ви помогнеме. Ги вложуваме сите потребни ресурси за да се опоравиме од оваа трагедија“, рече Санчез.

Видете и ова: Илјадници евакуирани поради обилните дождови во делови од Италија

Невремето предизвика излевање на реките, поплавување на улици, домови и полиња, а автомобилите и дрвјата беа однесени од надојдените води.

Локалните медиуми објавија дека предупредувањата за тешки временски услови сега се во сила за 10 од 17 автономни заедници во земјата, а особено погодени се регионите Андалузија, Мурсија и Валенсија кои се популарни кај туристите.