Сојузниците на Израел го осудија гласањето во израелскиот парламент со кое се забранува работа на агенцијата на ОН за палестински бегалци (УНРВА) во земјата. Во исто време, десетици Палестинци беа убиени во најновиот израелски напад врз Појасот Газа во вторник, на 29 октомври.
УНРВА, чија работа може да биде загрозена со стапувањето на законот во сила, е главната агенција на Обединетите Нации која обезбедува помош за луѓето од Појасот Газа.
Вашингтон го повика Израел да го паузира законот, кој треба да стапи на сила за три месеци.
Шефот на ОН Антонио Гутереш рече дека забраната на УНРВА ќе има катастрофални последици за Палестинците.
„Нема алтернатива за УНРВА. Спроведувањето на овие закони би било штетно за решението на израелско-палестинскиот конфликт и за мирот и безбедноста во целиот регион. Како што реков претходно, УНРВА е незаменлив“, рече Гутереш.
Видете и ова: УНРВА: Околу милион луѓе избегале од Рафа во последните три неделиБританскиот премиер Кир Стармер рече дека е „сериозно загрижен“ и дека законот ризикува да ја оневозможи „суштинската работа“ на УНРВА, загрозувајќи го целиот меѓународен хуманитарен одговор во Газа.
Германската комесарка за човекови права и хуманитарна помош Луиз Амцберг предупреди дека овој потег „ефикасно ќе ја оневозможи работата на УНРВА во Газа, Западниот Брег и Источен Ерусалим... загрозувајќи ја виталната хуманитарна помош за милиони луѓе“.
Додека усвојувањето на законот може да го отежне протокот на хуманитарна помош во Појасот Газа, каде што повеќе од 1,9 милиони Палестинци се раселени и каде што има недостиг на храна, вода и лекови, Израел тврди дека некои од илјадниците членови на персоналот на УНРВА учествуваше во нападот на Хамас 7 , кој ја поттикна војната во Газа.
Израел, исто така, тврди дека пронашол воени средства на Хамас во близина или под објектите на УНРВА. Агенцијата негира дека свесно помагала вооружени групи и вели дека дејствува за да ги отстрани од своите редови секој осомничен за поврзаност со Хамас, кој САД и Европската Унија го сметаат за терористичка организација.
По нападот на Хамас на 7 октомври минатата година, израелската армија започна голема офанзива во Појасот Газа за да го искорени Хамас. Израел го уби највисокото раководство на исламистичката група, но во војната загинаа повеќе од 43000 луѓе, според Министерството за здравство на Газа под контрола на Хамас.
Видете и ова: Продолжува офанзивата на Израел врз ГазаПалестинската служба за итни случаи во вторникот (29 октомври) извести дека израелската армија убила најмалку 55 Палестинци и ранила десетици во напад на станбена зграда во градот Беит Лахија во северниот дел на Појасот Газа.
Многу цивили се затрупани под урнатините, соопштија официјални лица.
За време на нападот на Израел на 7 октомври, палестинските милитанти заробија 251 заложник, и војници и цивили. Некои од нив беа разменети за Палестинци кои ги држеше Израел, но 97 се уште се во Појасот Газа. Израелското министерство наведува дека 34 од нив се мртви.
И покрај разговорите за можен договор, Израел продолжува со нападите против Хамас во Појасот Газа, како и против Хезболах во Либан.
Хезболах, како и Хамас, има поддршка од Иран. САД ја сметаат групата за терористичка организација, додека Европската Унија го стави на црната листа само вооруженото крило, но не и нејзината политичка партија која има претставници во либанскиот парламент.