Неколку реки се излеаа, патишта беа оштетени, а некои домови беа поплавени поради обилните дождови што ја зафатија Црна Гора во ноќта меѓу 3 и 4 октомври.
На територијата на паркот на природата Комарница, на северот на Црна Гора се излеаја две реки, изјави претседателот на општина Шавник, Југослав Јакиќ. Тој на социјалните мрежи сподели фотографии и видеа на кои се гледаат поплавени домови во таа област.
Некои села во оваа општина беа отсечени. Обилните врнежи го зголемија нивото на реките во централниот дел на земјава.
Нивото на реката Морача во Подгорица пораснало за 7,5 метри, а на реката Зета во Даниловград за 5,5 метри, велат од црногорскиот Институт за хидрометеорологија и сеизмологија за Радио Слободна Европа.
Поради обилните врнежи, во Даниловград, на 20 километри од Подгорица, во прекин е сообраќајот преку два моста и еден пат. На бреговите на Морача и Рибница во Подгорица поплавени се баровите на плажата покрај овие две реки.
Силниот дожд предизвика проблеми во сообраќајот, а силниот ветер предизвика штети и собори неколку дрвја.
Поради ова, одредени патишта во Цетиње, лоцирано на 30 километри од Подгорица, беа привремено затворени за сообраќај. Прекин на сообраќајот е забележан и во градот Соколовина, каде на регионалниот пат од Мојковац кон Ѓурѓевиќ Тара на северот од земјава се случи одрон.
Заводот за хидрометеорологија и сеизмологија претходно издаде црвен метео тревога на 3 октомври, предупредувајќи на претстојни нестабилни временски услови и обилни врнежи од дожд.
МВР на Црна Гора тогаш препорача граѓаните да се подготват за катастрофи и да го осигураат својот имот, особено ако живеат во подрачја кои се подложни на поплави или силен ветер.
Министерството ги повикаа граѓаните да избегнуваат патувања доколку не е потребно, особено во планинските подрачја и подрачјата подложни на одрони. Во Црна Гора се очекува делумно разведрување, со само мал дожд овде-онде, соопшти Институтот.