Аеродромот Милано-Бергамо е затворен откако пукнале гуми на патнички авион, јави агенцијата ДПА.
Се наведува дека пукнале четири гуми на авионот, а опремата за слетување ја оштетила пистата.
Се додава дека дефектот на гумата настанал во авионот кој од Барселона пристигнал во Милано со повеќе од 160 патници.
Сакбо, компанијата која управува со аеродромот Милано-Бергамо, соопшти дека тркалата на авионот оштетиле 450 метри од пистата поради пукнати гуми, која мора да се поправи пред повторното отворање.
Соопштено е дека авионот не е оштетен, но дека по слетувањето останал на пистата и ја блокирал, како и дека противпожарната служба ги растоварила патниците и екипажот, од кои никој не е повреден.
Аеродромот Милано-Бергамо е најмалиот од трите меѓународни аеродроми во близина на Милано на северот на Италија. Се наоѓа на 45 километри од Милано и го користат нискобуџетните авиокомпании.