Тим Валц, избран од Камала Харис за нејзин потпретседател на претседателските избори во САД во ноември и официјално ја прифати номинацијата на демократите.
„Најголема чест во мојот живот е да ја прифатам вашата номинација за потпретседател на САД“, рече тој на Демократската национална конвенција која се одржува во Чикаго.
Неговиот говор беше пренесуван во живо на американски ТВ-канали за вести.
Валц, 60-годишниот гувернер на Минесота доби овации од публиката во салата каде го одржа својот говор.
Видете и ова: Демократите ја потврдија кандидатурата на Харис за претседател на САД„Сите сме овде вечерва од една прекрасна, едноставна причина - ја сакаме оваа земја“, рече тој.
Во својот говор, Валц му се заблагодари на американскиот претседател Џо Бајден за „четири години силно, историско лидерство“ и на Харис „за гласањето за доверба во мене и што ме покани да учествувам во оваа неверојатна кампања“.
Конвенцијата на демократите завршува денеска (22 август).