Едно лице е убиено на паркингот пред трговскиот центар „Мавровка“.
Од Министерството за внатрешни работи засега нема детали за убиството.
Ова е второ пукање за помалку од 24 часа откако синоќа (19 август) во скопската населба Сингелиќ имаше престрелка по која едно лице со повреди беше пренесено во Градската болница.
„На 19.08.2024 околу 20.50 часот во СВР Скопје било пријавено дека на бул. Александар Македонски од патничко возило во движење било пукано во патничко возило ,,пасат” со австриски регистарски ознаки, при што со повреди се здобило едно лице кое е пренесено во Клинички центар“, информираа од МВР.