Руското Министерство за одбрана соопшти дека нејзината противвоздушна одбрана соборила 11 беспилотни летала лансирани од Украина во четири нејзини региони рано на 7 август.
„Системите за противвоздушна одбрана на должност пресретнаа и уништија 3 беспилотни летала над регионот Белгород, 4 над регионот Курск, 2 во регионот Воронеж и 2 над Ростовската област“, се наведува во објава на Министерството за одбрана на каналот Телеграм.
Видете и ова: Соборени 15 дронови и 4 проектили над неколку региони во УкраинаВо меѓувреме, воздухопловните сили на Украина објавија потенцијални закани со руски беспилотни летала над неколку нејзини региони, додека воената администрација на регионот Киев соопшти дека системите за воздушна одбрана на украинскиот главен град тргнале во акција против дојдовните беспилотни летала.
Воздушните напади меѓу Русија и Украина се се почести во последниот период, а цел на нападите најчесто е енергетската инфраструктура. Украина ја смета руската енергетска инфраструктура за легитимна воена цел и почна да ја гаѓа на почетокот на 2024 година. Украина интензивно користи беспилотни летала со долг дострел, кои се практично единственото оружје способно да погоди воени објекти длабоко во Русија.
Русија ја почна инвазијата врз Украина на 24 февруари 2022 година.