Од Центарот за управување со кризи (ЦУК) информираат дека сè уште се активни пожарите во Општина Македонски Брод меѓу селата Тажево и Брезница, кракот што води кон Националниот парк Јасен, пожарите во општините Демир Хисар и Охрид на Илинска Планина и село Базерник. Третиот активен пожар е во Општина Гевгелија од селоФурка кон Каравалија. Сè уште гори и во Општина Студеничани помеѓу селата Драчевица и Црвена Вода, кај местот викано Темна Бука и последниот активен пожар е во Општина Пробиштип помеѓу селата Зелениград и Јамиште.
Од ЦУК соопштија дека под контрола се ставени три пожари во Општина Охрид помеѓу селата Косел, Расино, Опеница и Вапила, Општина Богданци кај местот викано Погана кон Ветерен Парк Богданци и во Општина Пласница кај селото Латово.
Вашиот пребарувач не подржува HTML5
Стотици пожари во јули го опустошија истокот
Во последното деноноќие изгаснати се 16 пожари во општините Радовиш, Кочани, Босилово, Свети Николе, Македонска Каменица, Студеничани, Гази Баба, Битола, Прилеп, Липково, Кичево, Гостивар, Чешиново-Облешево и Куманово.