Најмалку 30 Палестинци беа убиени во израелски напад врз училиште во кое се сместени раселените лица во Газа, соопштија палестинските здравствени власти, додека израелската војска соопшти дека нападнала команден центар на Хамас во училишниот комплекс.
Петнаесет деца и осум жени се меѓу убиените во нападот на училиште во централниот град Деир ал-Балах, соопшти владината канцеларија за медиуми на Хамас, организација која САД и ЕУ ја сметаат за терористичка организација.
Канцеларијата за медиуми и Министерството за здравство на Газа соопштија дека повеќе од 100 луѓе се ранети.
Во соопштението на израелската војска се вели дека цел на напад бил „командниот и контролниот центар на Хамас во училишниот комплекс Кадија во центарот на Газа“.
Видете и ова: Клиничкиот центар во Сараево ќе лекува пациенти од ГазаВо соопштението се наведува дека училиштето се користи за напади врз војници и како складиште за оружје, како и дека цивилите се предупредуваат пред нападите.
Во претходните напади што ја погодија цивилната инфраструктура, израелската војска ја обвини милитантната група Хамас за ставање во опасност цивилите, обвинувајќи ја дека дејствува во густо населени области, училишта и болници. Хамас го негира ова.
Војната меѓу Израел и Хамас беше предизвикана од нападот на Хамас врз Израел на 7 октомври 2023 година, кога милитантите упаднаа во воени бази и населби низ јужен Израел, убивајќи околу 1.200 луѓе, главно цивили, а земајќи околу 250 заложници.
Како одговор, Израел започна сеопфатна офанзива Ваудух, од море и копно, при што загинаа повеќе од 38.000 Палестинци, главно жени и деца, според Министерството за здравство на Газа, под контрола на Хамас.
Претставници на Обединетите нации и хуманитарни организации го обвинуваат Израел за употреба на непропорционална сила во војната, што тој го негира.