Украинските пратеници на 23 јули ги одобрија нацрт-законите за поддршка на указите издадени од претседателот Володимир Зеленски за продолжување на воената состојба и општата воена мобилизација за 90 дена, почнувајќи од 12 август.
Пратениците Јарослав Железњак и Олексиј Хончаренко на Телеграм напишаа дека 339 пратеници гласале за продолжување на воената состојба, додека 338 го поддржале продолжувањето на мобилизацијата. Се очекува Зеленски сега да ги проследи нацрт-законите во законот.
Воената состојба и општата мобилизација последен пат беа продолжени во мај, а ова е 11-то продолжување откако Русија ја започна својата инвазија на Украина во февруари 2022 година.
Видете и ова: На Украинците со двојно државјанство им е забрането да ја напуштат земјатаУкраина усвои закон за воена мобилизација со цел да го зголеми бројот на војници во војската.
Тој закон ги обврзува Украинците, на возраст меѓу 18 и 60 години, да ги информираат воените власти за нивните лични податоци за да можат полесно канцелариите за регрутирање да видат кој во кој регион може да се мобилизира.
Украина, исто така, ги ограничи и конзуларните услуги во своите дипломатски претставништва за мажи кои се во старосната група која може да служи војска, но се наоѓаат во странство.