По првите денови од преземањето на функцијата, вицепремиерот за политики и добро владеење Арбен Фетаи смета дека Стратегијата за борба против корупцијата не е спроведена и изрази сомнеж дека тоа е заради спрега помеѓу функционери и бизнис секторот.
„Слушнавме за заклучоците од извештајот на ДКСК, знаеме дека Стратегијата за борба против корупција не е спроведена. Тоа е резултат на недостиг на политичка волја. Имаме добри стратегии, добри закони на хартија, но кога станува збор за спроведувањето, претходната Влада едноставно не била заинтересирана. Тоа е заради нивни сопствени судири на интереси и нивни сопствени бизниси во институциите“, рече Фетаи.
Вицепремиерот Фетаи по посетата на Гостивар и неговото прво појавување во јавноста даде изјави на албански и на англиски јазик, бидејќи како што рече на македонски не можел да се изрази. Тој зборуваше и за приоритетите кои ќе ги определи со неговиот тим и се фокусирани на три правци.
„Прво ќе биде прашањето за конфискација на имот на владини функционери. До септември се надевам дека ќе имаме нова стратегија за финансиски истраги и конфискација на имот. За првпат, ова прашање ќе биде кренато на највисоко политичко ниво, наместо на техничко ниво, на ниво на државни службеници“, посочи Фетаи.
Видете и ова: Некои за министер, некои за лидер на партија, а некои се борат за животКако втор приоритет го нагласи доброто владеење и транспарентност со кој ќе биде опфатена Стратегијата за транспарентност на Владата и нејзино ревидирање, бидејќи како што рече да се идентификуваат предизвиците и препреките.
Како еден клучните приоритети, тој ја спомена и соработката со локалната власт и зацврстување на транспарентноста.
„Имаме Закон за пристап до информации од јавен карактер што одвај се спроведува. Само неколку институции ја исполнуваат законската обврска што се однесува до документи кои треба да бидат јавно достапни. Работите фаќаат тек, но ми треба и малку време за да имаме јасно утврдени приоритети кои ќе ги остваруваме до крајот на годината. Не сакам да брзам премногу пред да ги утврдиме следните чекори“, рече Фетаи.
Арбен Фетаи дојде на местото на поранешната вицепремиерка Славица Грковска.