На 10 јули Русија нападна инфраструктурни цели во украинското црноморско пристаниште Одеса и седум други украински региони, објавија украинските воздухопловни сили.
Украинските противвоздушни системи соборија три од пет проектили и 14 од 20 беспилотни летала лансирани од Русија врз цели во регионите Одеса, Миколаев, Херсон, Дњепропетровск, Хмелницки, Черкаси, Виниција и Ривне, изјави командантот на украинските воздухопловни сили Микола Олешчук на Телеграм.
Три крстаречки ракети и три беспилотни летала беа соборени над пристаништето во Одеса, додаде Олешчук.
Видете и ова: Испораките и производството на европска муниција за Украина, далеку од ветенитеОдеса, критичното пристаниште за украинскиот извоз на жито, постојано е цел на Русија.
Руската војска редовно ги напаѓа украинските региони со различни видови оружје - беспилотни летала, ракети и противвоздушни ракети.
И покрај доказите и сведочењата, Москва негираше дека цели на цивили од почетокот на инвазијата во целосен обем.