Како последица на невремето кое попладнето на 2 јули зафати делови од Скопје во Центарот за управување со кризи (ЦУК) добиени се пријави за паднати десетина дрвја, оштетени најмалку три возила, откачени кабли од бандери, штети на кровови.
Повредена е и една жена откако врз неа паднало дрво во центарот на градот.
Станува збор за жена на околу педесетина година која, според информациите од Итната медицинска помош, не е во животна опасност.
„Наша екипа со помош на пожарникари ја извлекле. Таа немала надворешни видливи повреди. Се пожалила на болки во кичма и по телото, по што е однесена на опсервација на клиника. Треба да се направат снимки за да се види дали има некаква фрактура“, изјави докторот Драган Панов од Итната медицинска помош во Скопје.
Видете и ова: Двајца загинати во невремето во Црна ГораОд Управата за хидрометеоролошки работи (УХМР) претходно најавија дека попладнево се очекува пороен дожд, грмежи, град и силен ветер од над 70 километри на час.
Во претпладневните часови, силно невреме го зафати и регионот. Беа предизвикани штети во Србија и Босна и Херцеговина, како и во Црна Гора каде загинаа две лица.