Музичката платформа Спотифај (Spotify) ги отстрани страниците и песните на неколку руски уметници кои ја поддржуваат инвазијата на Кремљ врз Украина.
Меѓу нив се Шаман (Јарослав Дронов), Чичерина, Полина Гагарина, Григориј Лепс, Олег Газманов и рок групата Љубе, според Телеграмскиот канал Родној Звук.
Претходно оваа недела, Европската Унија воведе санкции против Гагарина и Шаман.
Чичерина, Газманов и фронтменот на групата Љубе Николај Расторгуев беа под санкции од Европската Унија во октомври 2022 година, а Лепс во декември истата година.
Спотифај, најголемиот светски сервис за стриминг, престана со работа во Русија во април 2022 година поради руската инвазија на Украина.