Косовската полиција, во соработка со локалната разузнавачка агенција, идентификуваше две локации на северот од земјата каде што биле поставени камери за надзор.
Заменик-директорот на полицијата за северниот регион, Ветон Елшани изјави за РСЕ дека камерите биле камуфлирани во надворешните единици на клима уредите со цел „да се следи движењето на граѓаните, институциите на Косово и меѓународно присуство на север“.
„Се сомневаме дека овие камери континуирано ги користеле безбедносните институции на Србија“, рече Ељшани.
Тој додаде дека полицијата идентификувала и две лица „за кои постои интерес да бидат сослушани“.
Косовските власти претходно пронајдоа надзорни камери во општините на северот на Косово, за кои не се знаеше кој ги надгледувал.
Исто така, во декември минатата година, косовската полиција отстрани стотици камери од јавните површини, за кои се веруваше дека биле нелегално поставени во неколку српски области.
Како што тогаш беше кажано на РСЕ, полицијата немала пристап до камерите и затоа биле отстранети.
Според законот во Косово, видео надзорот на јавните површини има право да биде инсталиран и контролиран исклучиво од косовската полиција.