Новоизбраниот претседател на Владата, Христијан Мицкоски ја презеде премиерската функција од досегашниот претседател на техничката Влада, Талат Џафери.
На примопредавањето во Владата, Мицкоски и Џафери имаа кратка средба, без изјава за медиумите.
Мицкоски, денеска попладне, како што е најавено, ќе биде во работна посета на општина Штип.
Видете и ова: Џафери ќе му ја предаде премиерската функција на МицкоскиСобранието по дводневна расправа синоќа со 77 гласа „за“ и 22 гласа „против“ ја избра новата Влада. Во владиниот кабинет ќе има 20 министерства, четири повеќе од досега. 15 членови се од коалицијата предводена од ВМРО-ДПМНЕ, шест од коалицијата Вреди и двајца од ЗНАМ.
Мицкоски е 13-тиот премиер, кој ќе ја предводи 20-тата влада од осамостојувањето на државата.
Во пресрет на изборот на новата Влада, тој во улога на пратеник до Собранието предложи законски измени со кои се воведоа нови и реорганизираа дел од постоечките министерства.