Русија во текот на ноќта ја нападна Украина со проектили и дронови, оштетувајќи ја енергетската инфраструктура во четири региони, објави на 20 јуни националната енергетска компанија Укренерхо.
„Опремата е оштетена во енергетските згради во регионите Виница, Дњепропетровск, Доњецк и Харкив“, наведе Укренерхо во објава на Телеграма.
Оваа компанија соопшти дека при нападот на енергетскиот објект биле повредени тројца вработени.
Одделно, украинските воздухопловни сили известија дека Русија ја нападна Украина на 20 јуни со девет проектили и 27 беспилотни летала.
Видете и ова: Путин и Ким Џонг Ун договориле меѓусебна подршка во случај на „агресија“Украинската армија соопшти дека ги соборила сите беспилотни летала и пет проектили.
Откако Русија ја започна својата инвазија на Украина во февруари 2022 година, московските сили континуирано ги гаѓаат украинските региони со различни видови оружје, беспилотни летала, ракети и противвоздушни проектили.
Украина е цел на речиси постојани руски напади со беспилотни летала и ракетни напади врз нејзината цивилна и енергетска инфраструктура од почетокот на целосната руска инвазија.
Руските воздушни напади предизвикаа бројни цивилни жртви и огромна материјална штета низ целата земја, вклучително и главниот град Киев.