Еден украински цивил бил убиен, а двајца други биле ранети во најмалку пет ракетни напади на Русија врз градот Слобожанске, јужно од градот Харкив, на 3 јуни, изјави регионалниот гувернер Олех Синјехубов на Телеграм.
„Погоден е рекреативен комплекс, еден цивил е убиен. Двајца цивили, маж и жена, се ранети“, напиша Синјехубов.
Вашиот пребарувач не подржува HTML5
Жителите на Харкив во солзи по руските напади
Руските сили во изминатите неколку недели ги интензивираа нападите врз Харкив, вториот по големина град во Украина и лоциран на околу 34 километри од границата.
Во ракетен напад на 31 мај, на градската област Новобавар, загинаа девет лица, а неколку други беа ранети.
Новите руски напади следуваат неколку дена откако американскиот претседател Џо Бајден и даде дозвола на Украина да користи американска муниција за да напаѓа внатре во Русија со ограничена цел да го брани Харкив.