Американскиот државен секретар Антони Блинкен изјави дека претседателот Џо Бајден ѝ дал зелено светло на Украина да користи американско оружје за да нападне внатре во Русија со ограничена цел да го брани источниот град Харкив.
Ваквата одлука дошла во услови на молби од Украина САД да им дозволи на нејзините сили да ја бранат земјата од напади со потекло од руска територија.
Видете и ова: Столтенберг: Украина има право да гаѓа мети на територијата на РусијаГоворејќи во Прага на 31 мај на неформалниот состанок на министрите за надворешни работи на НАТО, Блинкен рече дека Украина побарала овластување од Вашингтон да користи американско оружје за да нападне внатре во Русија „за да се одбрани од оваа агресија, вклучително и против руските сили кои се трупаат на руската страна на границата и потоа напаѓаат во Украина“, рече Блинкен.
„И тоа отиде директно кај претседателот. И како што слушнавте, тој ја одобри употребата на нашето оружје за таа цел. Во иднина, ние ќе продолжиме да го правиме она што го правевме, а што е потребно приспособување и прилагодување. “, рече Блинкен.
Потврдата на Блинкен дојде по извештаите на медиумите кои ги цитираа американските официјални лица - вклучително и оној кој зборуваше за РСЕ - дека Бајден делумно ја укинал забраната.