Русија и Украина ја одржаа својата прва размена на затвореници по речиси четири месеци, при што секоја страна размени по 75 луѓе. Претседателот на Украина, Володимир Зеленски, ја потврди размената на 31 мај во објава на Телеграм, пренесува РСЕ на англиски јазик.
Тој рече дека четворица цивили и 71 војник се вратени во Украина, додавајќи дека се работи на понатамошна размена на затвореници.
Видете и ова: НАТО ги отфрли заканите од Русија, Украина има право да се браниРуското Министерство за одбрана одделно најави враќање на 75 руски војници од Украина. Размената беше посредувана од Обединетите Арапски Емирати, соопшти руското Министерство.
Истиот ден Русија и Украина ги разменија телата на загинатите. Руската Дума соопшти дека Украина предала 45 тела на загинати руски војници. Украинскиот координативен штаб за справување со воени заробеници соопшти дека во Украина се вратени 212 загинати војници. Последната размена на затвореници меѓу Украина и Русија се случи во февруари.