Руската агенција за сузбивање на перење пари и финансирање тероризам на 29 мај објави дека актерот Алексеј Панин го ставила во регистарот на терористи и екстремисти.
Не беше наведена причина зошто Панин бил ставен во регистарот. Тој ја напушти Русија во 2020 година и сега живее во Соединетите Американски Држави (САД).
Против него беше распишана потерница пред една година, по истрага за обвиненијата дека го „оправдувал“ тероризмот.
Видете и ова: Претреси во Европарламентот поради руско мешање во европските избориОбвинението произлегува од објавувањето на Панин во октомври 2022 година на интернет, во кое тој ја поддржува експлозијата којашто го оштети мостот Керч.
Мостот го поврзува анектираниот украински Крим со полуостровот Таман на руска територија, а Москва ја обвини Украина дека е поврзана со експлозијата.
Федералната служба за безбедност на Руската Федерација (ФСБ) по експлозијата објави дека за неа е одговорна главната разузнавачка управа на украинското Министерство за одбрана, што Киев демантираше.