Рускиот претседател, Владимир Путин и се закани на Европа со сериозни последици доколку на Украина и се дозволи во иднина да користи прецизно оружје со голем дострел доставено од Запад врз руска територија.
„Тие претставници на НАТО, особено во Европа и особено во малите земји, треба да разберат со што си играат“, порача Путин на крајот од неговата државна посета на Узбекистан.
Тој навести дека Русија може да преземе воени контрамерки и рече дека особено помалите земји не треба да заборават дека нивните територии не се големи и дека се густо населени.
Видете и ова: Борел: Украина може да користи европско оружје за напади на руска територијаПутин, кој ја почна инвазијата против Украина пред повеќе од две години, го обвини Западот дека продолжува со ескалацијата.
„Современите вооружени системи како што е ракетниот систем ATACMS не се управувани од украински војници, туку од висококвалификувани експерти на НАТО врз основа на податоци од сателитски извидувања“, тврди тој.
Досега тоа оружје главно беше насочено кон украинската територија окупирана од Русија.