Малата земја од Западен Балкан Молдавија потпиша безбедносно и одбранбено партнерство со Европската унија, првата земја што потпиша таков пакт, изјави шефот за надворешна политика на ЕУ, Жозеп Борел.
„Ова партнерство ќе ја зајакне отпорноста на земјата. Тоа ќе овозможи заеднички пристап кон безбедносните предизвици, ќе го направи нашиот ангажман поефективен и ќе истражи нови области на соработка“, рече Борел.
Инаку молдавските пратеници го одредија 20 октомври како датум за претседателски избори и референдум за пристапување на земјата во Европската Унија.
Прозападната претседателка Маја Санду, чиј прв претседателски мандат завршува на 24 декември, ја објави својата намера да се кандидира за нов мандат, објави молдавскиот сервис на Радио Слободна Европа.
Видете и ова: Штајнмаер: Западен Балкан не смее да остане „сива зона за руско деструктивно влијание“Водачите на опозициските социјалисти и комунисти, пријателски настроени кон Москва, изјавија дека водат разговори за предлагање заеднички претседателски кандидат.
Санду, која го победи прорускиот кандидат Игор Додон во ноември 2020 година, оттогаш ја сврте Молдавија цврсто кон Западот.
Во декември 2023 година, Европската Унија одлучи да ги отвори пристапните преговори за Молдавија, која е една од најсиромашните земји во Европа.
Молдавија, предводена од прозападната претседателка Маја Санду, изрази надеж за приклучување кон ЕУ и НАТО и остро ја осуди руската инвазија на Украина. Молдавскиот Трансдњестар, главно рускојазично парче земја на источниот брег на реката Днестар, прогласи независност во 1990 година, а Москва оттогаш стационирала трупи таму.