Илјадници Иранци се собраа во вторник (21 мај) на погребната поворка за претседателот Ебрахим Раиси во северозападниот град Табриз, каде што тој неочекувано загина во хеликоптерска несреќа.
Хеликоптерот ја загуби комуникацијата додека се враќаше во Табриз, откако Раиси претходно присуствуваше на заедничкото пуштање во употреба на браната со азербејџанскиот колега Илхам Алиев на меѓудржавната граница во неделата.
По напуштањето на Табриз, телото на Раиси во вторник ќе пристигне во Ком, пред да биде пренесено во Техеран. Врховниот водач ајатолахот Али Хамнеи ќе ги води молитвите на прошталната церемонија во Техеран во вторник навечер, пред големите поворки што треба да започнат во среда наутро.
Раиси потоа ќе биде пренесен во провинцијата Јужен Хорасан во четврток наутро, а подоцна во неговиот роден град Машад, каде што ќе биде погребан во четврток навечер.
Видете и ова: Петдневна жалост по смртта на иранскиот претседател во хеликоптерска несреќаВо меѓувреме, началникот на Генералштабот на иранската армија, генерал-мајор Мохамад Багери, назначи делегација за истрага на случајот со хеликоптерската несреќа во која беше иранскиот претседател Ебрахим Раиси.
Истрагата која веќе започна на местото на инцидентот ја води генералот Али Абдолах, а резултатите ќе бидат објавени по нејзино завршување, пренесува ИРНА.
Како што беше претходно објавено, се верува дека причина за падот на хеликоптерот во кој се наоѓаше иранскиот претседател Раиси е технички дефект на леталото.
„Раиси маченички настрада во неделата како последица на хеликоптерска несреќа што се случи поради технички дефект на авионот“, објави иранската државна новинска агенцијa, не прецизирајќи каква е природата на дефектот на хеликоптерот.
Видете и ова: Кој е Ебрахим Реиси?Погребните обреди за иранскиот претседател, министерот за надворешни работи Хосеин Амир Абдолахиан и другите кои загинаа во хеликоптерската несреќа ќе се одржат денеска во Табриз, главниот град на Источен Азербејџан, во 9:30 часот по локално време.
Телото на Раиси подоцна ќе биде пренесено во Техеран, пред да биде погребано на 23 мај во неговиот роден град Машхад, во североисточниот дел на Иран.
Хеликоптер со иранскиот претседател Раиси и министерот за надворешни работи Хосеин Амир Абдолахиан се урна во неделата во северозападниот дел на Иран, при што загинаа уште шест лица.
Вашиот пребарувач не подржува HTML5
Иран на крстопат по загинувањето на претседателот Раиси