Холивудскиот филмски магнат Харви Вајнстајн беше хоспитализиран на 27 април по враќањето во Њујорк, откако највисокиот градски суд ја укина неговата пресуда од 2020 година за обвиненијата за силување.
Одлуката на судот беше шокантен пресврт во еден од клучните случаи на движењето #MeToo. Сепак, Вајнстајн ќе остане во затвор бидејќи ја отслужува втората, 16-годишна затворска казна, исто така за силување, изречена во Калифорнија.
„Одделот за поправки во Њујорк утврди дека на господинот Вајнстајн му е потребна итна медицинска помош“, изјави за АФП неговиот адвокат Артур Л. Ијдала.
„Харви треба да биде подложен на голем број тестови и е задржан на набљудување“, додаде неговиот адвокат.
Видете и ова: Судот во Њујорк ја поништи пресудата за силување против Харви ВајнстајнПолицијата за американските медиуми соопштила дека Вајнстајн бил пренесен во њујоршката болница Белви.
На 25 април, градскиот Апелационен суд утврди дека судечкиот судија погрешил кога го признал сведочењето на жените кои Вајнстајн наводно ги малтретирал, но кои не биле дел од обвинението против него, и нареди ново судење.
Во пресудата од 2020 година, 72-годишниот Вајнстајн беше осуден на 23 години затвор под обвинение за принуден орален секс во 2006 година и за силување на актерка во 2013 година.
Повеќе од 80 жени излегоа со обвинувања за сексуален напад и недолично однесување против Вајнстајн, кои се протегаат веќе неколку децении.