Украинскиот претседател Володимир Зеленски сака да го прошири домашното одбранбено производство со помош од Западот, рече тој синоќа во редовното видео обраќање, пренесе ДПА.
Зеленски рече дека бара од меѓународните партнери кои немаат сопствени производствени капацитети да инвестираат во украинскиот одбранбен сектор, заеднички да произведуваат оружје и да го зајакнат фронтот.
Барањето доаѓа поради големата зависност на Украина од испораките на оружје од Запад и долгото чекање на Киев за нова американска помош поради политички спор.
Видете и ова: Песков: Испораката на американски ракети со долг дострел за Киев нема да промени ништо во конфликтотЗеленски рече дека шестмесечното доцнење на испораките од САД предизвикало големи проблеми на фронтот и Киев се надева дека ќе ги реши на состанокот на Контакт групата за Украина закажан за денеска.
„Сега се донесени политичките одлуки, следниот чекор е да се разјасни оружјето и логистиката“, рече Зеленски.
Русија ја нападна Украина во февруари 2022 година и на Киев му треба воена помош од Западот, делумно затоа што може да произведе само ограничена количина на сопствено оружје, а исто така и затоа што Русија уништи големи делови од индустријата во земјата.