Одзивот на гласачите до 11:00 часот во првиот круг од претседателските избори е 12,78 отсто, соопшти Државната изборна комисија (ДИК). Според податоците на официјалната веб-страница на ДИК до 11 часот гласале 229 417 гласачи.
Овие проценки се врз основа на обработени 3416 избирачки места од вкупно 3508 во општините на територијата на целата држава.
Вашиот пребарувач не подржува HTML5
Гласањето на претседателските избори - мирно и без проблеми
Според истите податоци, поголема излезност е забележана во Демир Капија (24%) и Градско (20%), а помала во општините Боговиње (5%) и Маврово Ростуша (4,5%).
Претходно, на прес-конференцијата во 9:00 часот претседателот на ДИК, Александар Даштевски соопшти дека гласачките места биле отворени навреме, иако на некои избирачки места се појавиле технички проблеми, кои како што додаде, биле тековно решавани.
Во Северна Македонија денеска (24 април) се одржуваат претседателски избори на кои право на глас имаат 1.814.317 граѓани.