Ден на жалост е прогласен за загинатите од руските ракетни напади врз градот Днипро и неговата околина во југоисточниот украински регион Днепропетровск.
Украинскиот ретседател Володимир Зеленски повторно апелираше до сојузниците на Киев итно да ја снабдат неговата земја со повеќе системи за противвоздушна одбрана.
Воздухопловните сили на Украина за прв пат соопштија дека собориле еден од напаѓачките стратешки бомбардери на Русија.
Вашиот пребарувач не подржува HTML5
Гореше станбена зграда по смртоносните руски напади на Днепропетровск
Во меѓувреме, членовите на групата Г7 одговорија со ветување дека ќе ја зајакнат воздушната одбрана на Украина.
„Решени сме да продолжиме да обезбедуваме воена, финансиска, политичка, хуманитарна, економска и развојна поддршка за Украина и нејзиниот народ“, изјавија министрите за надворешни работи на Г7 на крајот од дводневниот состанок на италијанскиот остров Капри.
Најмалку осум лица загинаа, а 25 беа ранети кога руски воени авиони истрелаа проектили врз цели во областа Днепропетровск во Украина - делови во земјата каде има најголема индустрија.
Видете и ова: Зеленски повика на поголема воздушна одбрана по новиот смртоносен напад врз УкраинаДве лица загинаа во Днипро - град со еден милион жители, кој е и главен град на регионот, а шест лица во областа Синелникивски на околу 60 километри јужно од Днипро, каде беа оштетени повеќе од десетина домови, изјави министерот за внатрешни работи Игор Клименко.
Градоначалникот на Днипро, Борис Филатов, го прогласи 20 април за ден на жалост во регионот.