Најмалку три дена на територијата на Национален Парк ,,Шар Планина" има активен пожар при што гори букова шума, ливади и меѓни стебла во приватни имоти.
Ренџерската служба три дена се обидува да го локализира пожарот, но како што велат од Центарот за управување со кризи, имајќи ги в предвид сите услови, нивните човечки ресурси се исцрпеи и не се во можност сами да се спрабат со овој активен пожар. На помош им е испратен полициски хеликоптер.
Видете и ова: Само еден пилот за три авиони за гасење пожарПожарот се наоѓа над село Селце на оддалечен и тешко пристапен стрмен терен.
„ Локацијата била и претходни години горена со што има голема количина лежечка дрвна маса во којашто огнот тлее преку ноќта, но повторно се активира во попладневните часови, а дополнително се тркалаат опожарени трупци и го пренесуваат огнот надолу многу брзо и со тоа зафаќаат поширока територија“, се вели во соопштението од ЦУК.
Од Националниот парк велат дека временските услови се слични во изминативе три дена и дека и денеска се очекува со зголемување на температурата и зајакнувањето на ветрот горењето повторно можно да биде обемно.
Претходно, директорот на Дирекцијата за заштита и спасување предупреди дека гасењето на пожари со авиони годинава ќе биде сериозен предизвик, затоа што од трите пилоти со кои располагала Дирекцијата останат е само еден, затоа што другите двајца од јануари годинава се пензионирани.