Европската унија (ЕУ) и Соединетите Американски Држави (САД) ветија стотици милиони долари за Ерменија додека Ереван се врти на запад поради неуспешните односи со досегашниот традиционален сојузник Русија.
По разговорите меѓу претседателката на Европската комисија (ЕК) Урсула фон дер Лајен, американскиот државен секретар Антони Блинкен и ерменскиот премиер Никол Пашинијан во Брисел на 5 април, фон дер Лајен рече дека Европската унија ќе одвои 270 милиони евра.
„Ќе направиме инвестиции за зајакнување на економијата и општеството на Ерменија, правејќи ги поробусни и стабилни во соочувањето со шоковите“, нагласи таа.
Видете и ова: Пашинијан - Започна демаркацијата на ерменско-азербејџанската границаБлинкен рече дека САД и ЕУ „ја потврдуваат трансатлантската поддршка за демократска, просперитетна иднина на ерменскиот народ и за поинтегриран и помирен регион на Јужен Кавказ“.
„Ние сме посветени на натамошно зголемување на нашата поддршка за демократската и економската отпорност на Ерменија со инвестиции во безбедноста на храната, дигиталната инфраструктура, диверзификацијата на енергијата, диверзификацијата на трговските партнери“, рече Блинкен, додавајќи дека Вашинтон планира „помош од над 65 милиони долари“ за Ерменија.
Трилатералната средба се одржа откако поранешната советска република се огради од Русија.
Минатиот месец, Пашинијан во интервју за ТВ Франс-24 рече дека неговата земја го замрзнала членството во Организацијата на Договорот за колективна безбедност (ОДКБ) предводена од Русија.
ОДКБ беше клучна за одвраќањето на Ерменија од Москва. Влада на Пашинијан долго време ја критикуваше ОДКБ за нејзиниот „неодговор на безбедносните предизвици“ со кои се соочува Ерменија.
Видете и ова: Ерменија го замрзна членството во Организацијата на Договорот за колективна безбедностЕрменските власти ги обвинија руските мировници распоредени во спорниот регион Нагорно-Карабах во 2020 година дека не ја запреле молскавична офанзива на Азербејџан во септември 2023 година, која заврши со враќање на контролата врз отцепениот регион кој три децении беше под контрола на етничките Ерменци.
Москва го отфрли обвинението, тврдејќи дека нејзините војници немале мандат да интервенираат и го обвинија Пашинијан дека ефективно го отворил патот за колапс на сепаратистичкото владеење во регионот со претходно признавање на суверенитетот на Азербејџан над него.
Пашинијан одби да присуствува на самитот на ОДКС во Минск во ноември и во телевизиски настап рече дека секоја одлука за продолжување на членството на Ереван во оваа организација – која ги вклучува и Белорусија, Казахстан, Киргистан и Таџикистан, ќе се заснова на „сопствени државни интереси“ на Ерменија.