Северна Кореја денеска (3 април) успешно тестираше нова хиперсонична ракета со цврсто гориво со среден до долг дострел, објавија севернокорејските медиуми.
Јужна Кореја соопшти дека Северна Кореја истрелала балистичка ракета со среден дострел со тестирање на ракета со цврсто гориво, што предизвика брза осуда од официјален Сеул, Јапонија и САД.
Севернокорејскиот лидер Ким Џонг Ун го надгледуваше лансирањето на ракетата и го пофали стратешкото оружје, велејќи дека тоа ја демонстрира „апсолутна супериорност“ на севернокорејската одбранбена технологија, пишува севернокорејскиот весник „Родонг Синмун“.
Видете и ова: Северна Кореја лансираше балистичка ракета кон Јапонско МореСпоред весникот, претседателот Ким рекол дека Северна Кореја „целосно ги активирала сите тактички, оперативни и стратешки способности на ракети со цврсто гориво со различен дострел, способни да носат нуклеарни боеви глави“.
Пред два дена Северна Кореја лансираше балистичка ракета кон Јапонското Море, а проектилот паднал во водите надвор од ексклузивната економска зона на Јапонија, соопшти јапонското Министерство за одбрана.
Јапонската влада протестираше до Северна Кореја, изјави премиерот Фумио Кишида, додавајќи дека лансирањето на балистичката ракета е кршење на резолуциите на Советот за безбедност на ОН.