Генералниот совет на Демократската унија за интеграција на 31 март во Тетово ги утврди носителите на листи за пратеници со кои ќе настапи на претстојните парламентарни избори закажани на 8 мај.
Во првата изборна единица носител на листата ќе биде Блерим Беџети, во втората Садула Дураку, во „тројката“ Сулејман Баки од Движењето на Турците на Македонија за правда и демократија. Во четвртата изборна единица носител е Енвер Хусеин од Демократската Партија на Турците на Македонија, во „петката“ Зијадин Села и во шестата изборна единица носител на листата ќе биде претседателот на ДУИ Али Ахмети.
Видете и ова: Изборниот ринг за лидерите се врати во единица и шесткаЗаедничката програма на Коалицијата „Европски фронт“ ќе се заснова на уставните измени, евроинтеграцијата, добрососедството, бескомпромисната борба против организираниот криминал и корупција, економскиот рамковен договор, информираат од ДУИ.
Како што посочуваат од партијата, Генералното собрание на ДУИ едногласно го поддржале формирањето на „Европскиот фронт“ и заедничката кандидатура за претседател на Бујар Османи.
„Генералното собрание на Демократската унија за интеграција ги повикува сите членови на ДУИ и сите граѓани да го поддржат „Европскиот фронт“ и нашата кандидатура за претседателските избори Бујар Османи“, се наведува во соопштението на ДУИ.